بيىل قالالىق اكىمدىك جۇرگىزىلگەن ينفراقۇرىلىم اياسىندا تۇرعىن-ءۇي كوممۋنالدىق شارۋاشىلىق جەلىسى بويىنشا 311 كوشەنى, قۇرىلىس ءبولىمى ارقىلى 139 كوشەنى اسفالتتاۋدى جوسپارلادى, دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
2017 جىلى وبلىستا 296,6 كم جول سالىندى, ونىڭ 236,6 شاقىرىمى اتىراۋ قالاسىندا. وبلىس ورتالىعىندا اسفالتتانعان جولدىڭ نەگىزگى كولەمى قالا ماڭىنداعى سەلولىق وكرۋگتەرگە تيەسىلى.
جەكسەنبى, 5 قاراشادا اتىراۋ وبلىسىنىڭ اكىمى نۇرلان نوعاەۆ قالا ماڭى اۋماعىنداعى جول قۇرىلىسىن تەكسەردى. اتىراۋ قالاسىنىڭ اكىمى سەرىك شاپكەنوۆتىڭ ايتۋىنشا, جوسپارلانعان جول كولەمى اياقتالا كەلگەن, قۇرىلىس قاراشا ايىنىڭ العاشقى جارتىسىندا بىتەدى.
سونىمەن قاتار, 2017 جىلى جالپى اۋدانى 21 800 شارشى مەتر اۆتوكولىك جولىنا اعىمداعى جوندەۋ جۇمىستارى جۇرگىزىلدى. ۇزىندىعى 220 كم بولاتىن 207 كوشەنىڭ جول-قۇرىلىس جۇمىستارىنا جوبالاۋ-سمەتالىق قۇجاتتاما جاساۋ ءۇشىن جەرگىلىكتى بيۋدجەتتەن 450 ملن تەڭگە بولىنگەن. بۇل جۇمىستار 2018 جىلى باستالادى.
«كوشەلەردى اسفالتتاۋ جۇمىستارى ەلدى مەكەننىڭ دامۋ جوسپارىنا سايكەس جۇيەلى تۇردە ءجۇرۋى كەرەك», دەدى قۇرىلىس قارقىنىمەن تانىسقان ايماق باسشىسى.